حيران بقلم عبدالمنعم عدلى

حيران
عبدالمنعم عدلى..مصر
مالك ياقلب
كده حيران
جعان ولاعطشان
تهت وتاهت الدنيا منك
رد علي وكلمنى
ساكت ليه
أنا ياصحبى
فاتنى حبيبى
وكان معايا
والدنيا ماشيه
على هوانا
وفى وسط الطريق
سبنى وحدى
وبعد عنى
وأخذ منى أيامى
وأمشى الطريق
وأشوف عزالى
وأندم على حال
وأنا اللى كنت
برسم حروف موال
يتغنى بيها العشاق
حسدونا العزال
وتهت وتاهت
منى الليالى
فيارب
(هل يرضيك
كل هذا الظمأ
والماء ينساب أمانى)
عطشان لترياق الهوى
وأنا اللى سقيت
حبيبى ماء الجوى
جعان لأحضان الحبيب
حيران فى دنيا العشق
وحيد بلا صاحب ولا حبيب
حتى عزالى
راحوا لنجوم السماء
يشكوا حال
بقلم عبدالمنعم عدلى