كلمة نهايه
هاعزف لحنى بأسايا............وهاسيبك زيى مانتِ
واكتب كلمة نهايه..............قبل الاوان حبيبتى
مش هاستنى تقوليلى.........انسى اللى كان مابينا
هانساكى وانسى وايلى.......ياناسيه احلام سنينا
ولا هارضى الظلم تانى..........ولا اعيش وانتِ ف زمانى
حتى ولو كان كيانى............حُبك وكان سفينتى
هاعزف لحنى بأسايا............وهاسيبك زيى مانتِ
راح اغنى احزان حياتى..........واوصف بالدمع جرحك
وبنار قلبى وأهاتى...........راح اقول الله يسامحك
ولا هارضى بغربتى.........عن حبى وفرحتى
ولا تانى دمعتى..............راح تنزل غير لغالى
مش هاستنى تقوليلى.........انسى اللى كان مابينا
هانساكى وانسى وايلى.......ياناسيه احلام سنينا
هاطوى الذكرى اللى فاتت........هانسى ايامك معايا
حبك ايام وماتت............ف قلبى وف الحكايه
لا هاغنى غنوتك..........ولا هاحكى قصتك
ولا فيا دمعتك.........هتصحى شوق حنانى
مش هاستنى تقوليلى.........انسى اللى كان مابينا
هانساكى وانسى وايلى.......ياناسيه احلام سنينا.....
............ابوالوفا...........
ليست هناك تعليقات:
إرسال تعليق