بقلم الشاعر\\عصام الباز
مهما الدنيا تتعبني
أو عمايل الناس تعذبني
على الدنيا أنا صابر
كلام الناس يا ناس عابر
ماهي دنيتنا غدارة
بتاخد مننا كتير
وتدينا بقطارة
سعادتها ثواني بتطير
قليلة الأصل يا خسارة
مين قال الناس بيعجبها
الفرحة بسرعة بتاخدها
أما الدمعة لنا تسيبها
خلاص يا دنيا زاد ظلمك
إمتى هتحطي له نهاية
كفاياكم يا خلق الله
هتعملوا تاني إيه فينا
خليتوا القلب أواه
وآهة القلب بتكفينا
عصام الباز
ليست هناك تعليقات:
إرسال تعليق