تصفيات الجولة الأولى . نص ( بحبك يامصر )
اسماء فريد هلال . الشرقية . مصر ( المجموعة الرابعة ) رقم 37
إذا أعجبك النص فادعمها بعمل إعجاب بهذا البوست
-----------------------------------------------
بحبك يامصر
ياشمس الدفا
يا نور النهار
يا ارض الامل
والخير والعمار
يا زينة يا عايقة
بلون السمار
جمالك يفوق
جمال كل عصر
بحبك بحبك بحبك يا مصر
بحبك يا صابرة
يا عشرة سنين
يا صوت المحبة
وصوت الانين
يا واشمة ف قلبي
الهوي والحنين
دا عشقك ف قلبي
بنا الف قصر
بحبك بحبك بحبك يا مصر
ف حضنك امان
يا بلد الحناين
يا عطر الربيع
يا زهر الجناين
يا كنيسة يا جامع
بناه اللي صاين
ودادك وحسنك
مالوش اي حصر
بحبك بحبك بحبك يا مصر
بصبح عليكي
يا ارض الهرم
يا بيت الاصالة
وبيت الكرم
ترابك ونيلك
نعيم النعم
وارضك امانة
ف دمي يا مصر
بحبك بحبك بحبك يا مصر
بحبك يا مصر بنحبك يا مصر
ليست هناك تعليقات:
إرسال تعليق