****صاحبى****
**خراط معادن**
عايزك تصنعلى قلب
مخروط على اسطمبه
معمول بدقه وفن
مايكونش فيه غلطه
شغله يكون ع الرايق
لاغش ولا أونطه
والخامه تكون صلب
متأثرش فيه بنطه
ولاصدمة لحام كهربه
ولا طرق ع السندان
ولالسعة لسان حاده
ويكون بايد صادق
عم الأسطوات الاسطه
يتحمل قساوة ناس
كتيربتظلم بعض
ملحك وعيش ياكلوه
لاحفظوا ولاصانوه
ان اشتريتهم غالى
بأرخص تمن يبيعوك
تسعد ليوم فرحهم
يتفننوا يبكوك
لوقيدت ايدك شمع
ماعمرك تكون عاجب
لناس ماتعرف حق
ولاتحفظ الواجب
لو كل الناس كده
خدمن غيرالبشرصاحب
غلطان ياللى تقول
أصل العين عمرها
ما تعلى على الحاجب
****************
كلمات/محمدفارس أبوعمار
عضو/نقبة شعراء مصر
عضو/رابطة الزجالين
وكتاب الأغانى
عضو/نادى أدب السلام
ليست هناك تعليقات:
إرسال تعليق