****رب العباد****
زى ماقال رب العباد
اصلحوا وبلاش فساد
تزرع خيربكره تلاقيه
ويورثوه بعدك أحفاد
تعيش حياتك تسعدبيه
ويبقى لك ف الاخره زاد
زى ماقال رب العباد
*****************
اياك تغدر اوعاك تظلم
واحذرتاكل حق الناس
اوعى تاخدك مره الدنيا
ويغرك وسواس خناس
عملك دا مكتوب عليك
ف سجلات ليوم الميعاد
زى ما قال رب العباد
****************
حاسب نفسك قبل غيرك
واعلم انه عليك رقيب
ارضى ربك وارضى ضميرك
ح تبقى ف الناس محمود
وكل شئ مكتوب بميعاد
زى ما قال رب العباد
*****************
مهما تتعب ولاتسعى
رزقك دا بمقدارمحدود
أصل الرزق مش شطاره
والنصيب هوالمقسوم
اقنع تهنئ بالحياه
وتبقى فى غاية الاسعاد
زى ما قال رب العباد
*****************
كلمات /محمد فارس أعمار
عضو/نقابة شعراء مصر
عضو/رابطة الزجالين
وكتاب الاغانى
ليست هناك تعليقات:
إرسال تعليق