الأنا....عذاب. فاروق الباشا
ياابن أدم
ان حكيت ..حاسب
ولاتقول .....أنا
دا الأنا تفتح للغرور
ميت الف....قنا
بص حواليك شوف
كام الزمان..فنا
تحت التراب مانافعهم
صيت ....ولاغنا
كان بالحسب فرحان
وياما اموال جنا
وللعرض الخايب اتذلل
ولغير ربنا...انحنا
وللحرام أيده اتمدت
وياما قصور ..بنا
وحبايب العمر فاتهم
ومن اهل السوء ..دنا
واسمه محاه من الوجود
واختار له لقب به انكنا
ياابن أدم قرب من ربك
تشوف عز ......وهنا
فى الدنيا يرتاح بالك
وفى الآخرة تنال المنا
الرزق لك مكفول
وكفيلك على الارض ربنا
كد واعرق واكسب حلال
تدوق حلاوة .....العنا
ويوم القيامة وشك ينور
ويملاه الجمال والسنا. الغيث الوفير فاروق الباشا مصر
ليست هناك تعليقات:
إرسال تعليق