قصائد قصيره (9) *** بقلم السيدابوطاحون
*********
يا ساكنه ف النني
ومحيره قلبي
مين خوفك مني
هربانه من حبي
*********
رمشه شاورلي وسمح
دعيت يارب احميه
قلب حبيبي فتح
لقيتني قاعد فيه
*********
لما لقينا ما في ود
قلنا يمكن هان الود
مر سنين والغيبه صعيبه
غربه ودنيا
غريبه عجيبه
لا فكرنا نزعل حد
ولا وقفنا زراعة الورد
والشياطين شغلتها الهد
*********
عسل عيون النقاء
شايله ف رموشها الشفاء
مش كل من شاف حنانك
زي اللى سمى وداق
*********
لما المسارح نورت بشبابها
بات الديابه في الخلا خايفين
مين اللي دل الخونه على ابوابها
ومين اللى بلغ عن صلاح الدين
مين اللى عاشق رملها وترابها
ومين اللى سد البحر ع المساكين
*********
كل اللى عشقوا السكات
يقفوا فى صف اللى مات
أما الليالى اللى جيه
فكلها حريه
غنى يا ست البنات
واحضنى الملاغيه
*********
تعظيم سلام
للعيال الحلوه
فيكي يا مصر
والف لعنه وثوره
ع اللي يبني
من دمانا القصر
*********
ليست هناك تعليقات:
إرسال تعليق