دويتو (حبك ليا)
================
هى
حبك ليا ف عنيك شيفاه
أسمى ف نبضك أنا حساه
مستنيه همسه وبسمه
وقلبى بين أيديك تلقاه
هو
حبيتك وقلبى مدارى
من نظره العين كشفانى
راح الهمس أه يانى
مخيلانى بطيفك وأنا وياه
هى
ليه تدارى وتخبى
وتستنى الهمس منى
صارح نفسك وصارحنى
عمرى لحبك أنا عيشاه
هو
طبعى كده ومحيرنى
عند الحب يلخبطنى
عندك حل يريحنى
قوليه وأنا أمشى وراه
هى
خلى عنيك ف عنيا
لمس أيديك ف أيديا
تحس بحبك فيا
حبك ف قلبى وعايش جواه
هو
برمش عنيكى شبكتنى
بلمسة أيديك دوبتينى
قلبى حبك وملكتينى
ياسعده بحبك وهناه
هى
خليك جرئ وأتكلم
ف سكوتك أنا بتألم
أه من حبك سلم
وأنا تهت ودبت ف هواه
هو
سهرتينى الليل
شفت فيه الويل
أغنى فيه مواويل
عذاب الحب وجفاه
هو و هى
يالا بينا يالا
نجمع شملنا يالا
الحب جميل والله
نحلم ونعيش فى سماه
================
قلمى
جابر خلف الله ابراهيم
(أسكندريه)
ليست هناك تعليقات:
إرسال تعليق