((( تعلمت الدرس)))
وشلت الهم من بدرى
وزرعت فى أرض مش أرضى
ربيت فى ولد مش ولدى
علمته الحرف والمعنى
والغنوه الحلوه ياوطنى
وقمت الصبح من بدرى
الكل يشهد وعلى يدى
سلاحى العلم وبربى
رسمت الحلم فى دربى
شقيت ولابخلت بجهدى
أخرتها يقول أيه ماأدرى
وصحيت على سهم غدرنى
رشقت الخنجر فى قلبى
ماشفعش سنى ولاشكلى
وعمرى اللى فات ومعدى
وحرفى اللى علم وكبر
وناصيحتى لك الله أكبر
ياشبابى رايح فين وليه تجرى
ما لسا الوقت عليك بدرى
أنا مش مصدق ولافاهم
مع أن الفهم شغلنتى
ولاحاسس بعمرى اللى بيجرى
الشيب فى راسى زينها
وأيامى فقدت ملامحها
وفجأه قالولى نستغى
وطلعت ياناس أنا الأغبى
عنك ومع السلامه فارقنا
مش دارك علشان تسكنها
وكلامك معانا ولافارق
أتعكز وتوكل ريحنا
تاريخك لنفسك له معنى
وتعبك جزأك على المولى
وقبرك فى أرضك مش أرضى
مش كانوا قالولى من الأول
كلمات /محمودصلاح السيدد13/3/2017
ليست هناك تعليقات:
إرسال تعليق