الصباحات (3) *** بقلم السيدابوطاحون
********** ***************
صباح الفل ع النعناع
وزهر البرتقان غني
وقام الفجر ما استني
ووزع عشقه ع الدنيا
ولا فكر في يوم ينباع
***************
وسبح للذي أمره
يهز الضلمة من بدري
عشان النور يدور ويدور
ولا يهمه علو السور
ولا المحظور
ولا المستور
ولا الطرطور
ولا المقبور
ولا الشرير ولا المشرور
ولا الجارر ولا المجرور
ولا الشاطر ولا المشطور
ولا الناقر ولا المنقور
ولا الناشر ولا المنشور
ولا أعلام غبي وماجور
ولا حتي شهود الزور
****************
صباح الفل ع النعناع
وزهر البرتقان غني
وبيطبطب علي المسكين ،
وع المكسور...
وطول عمره
يبارك الندي بعطره
عشان الورد يتهني
عشان يفتح بيبان الحب
والجنة
وتصحي الشمس فرحانة
وتطمن علي العشاق
وتحضنا
يلف الدفء ويرقص
هوا المشتاق
ويجملنا
********************
#الصباحات(3)
ليست هناك تعليقات:
إرسال تعليق