::::::::::::::::
مصريه................2017/6/16
...☆☆☆ارضنا مصريه كلمات مشتركه بيني وبين الشاعر عصام الباز و الشاعره بسمه احمد نرفض ان مصر تفرط في اي شبر من ارضها مهما كان الثمن ☆☆☆☆
☆☆☆مصر ام الدنيا وتبقى اد الدنيا☆☆☆☆☆☆
محمد لطفي
☆☆مصريه☆☆
كنا ندافع عنك سيسي
لما يقولي السيسي خسيسي
اصرخ اقول هو رئيسي
هو شرفنا هو املنا
هو بذرة نور لعيالنا
لما قال ام الدنيا
تبقي قد الدنيا
افخر بان اديتك صوتي
لكن الوقتي بطلت سكوتي
ايه جرا ياناس لرئيسي
غير حاله
وباع ارضه
فرطت في تراب وطنه وعرضه
رئيسي
زي ما قولنا بطل وعظيم
الوقت نقول باع الطين
كنا بننتظرك صلاح الدين
انهزمنا معاك في صنافر
وبعت كمان تيران
الا تراب الوطن
الا الارض
ولا بكنوز الدنيا بحالها
تساوي شبر تحت الحريه
شبابنا هناك اندفن
ضحى بروحه شرف العرض
والام ضحت بعيالها
والكل ادالها تحيه
هتكسر ليه معني الحريه
وتتنازل عنها شويه شويه
وليه مستعجل وانت بتدفع
ولفكر صهيوني ليه تركع
يا رئيسي
الحق نفسك قرر وارجع
رئيسي لحكم الشعب
ومهما كتير مننا تسمع
انت رئسنا لا لا للعب
ارضنا مصريه
ارضنا مصريه
صنافير مصريه
تيران مصريه
:::::::::::::::::::::::::::
عصام الباز
ليه ليه ?
ليه كل ما نقرب من حلمنا
نلقاه قدامنا بيتكسر
لا عاد يهمهم دمنا
ولا دموع عيوننا لقيينها بتأثر
ليه حظك يا بلدي كده
خطاويكي تمللي تتعثر
دا إحنا رضينا بغلبنا
والوالي علينا بيتبطر
ليه كل خطوتين قدام
نلاقي رجليكي بتتأخر
هو إنتي غاوية نكد
ولا حابة إن إحنا نتحسر
لو كان معاهم سلاح
إحنا معانا إله منهم أكبر
عيب عليكي يا بلد تفرطي
في أعز ماليكي
ساكتة ليه اتكلمي
ولا شايفانا بقينا تساليكي
كفاية بقى تبلمي
مبقاش معانا ثمن دوا ليكي
::::::::::::::::::::::::::::::::::::::
☆☆بسمه احمد Basma Abdul☆☆
لما قالوا تسلم الايادي
رفعت انا رايه بلادي
وقلت جي لمصر صلاح الدين
ينصر المظلوم ويطعم الفقير
يهزم الاعداء ويحمي الديار
ويهزم عدو جبار
ومرت الايام وراح منا الامان
ذاد الفقير ذادت الاحمال
والمريض بدل الدواء
انكتب له شهاده وفاء
بعد ما كانوا المصرين
بيغنوا فرحنين
انهم معدين
للامان والافضل
والمرار بقى افضل
والظلام هو الحال
والصمت اكتب عالجبين
غابت الفرحه وراء دمعه محبوسه في الاجفان
واتنسي شبابنا اللي ملي الاكفان
واهات سكنت الاهل والخلان
تحت القهر لينا عنوان
هو ده امل الشعب
هي دي ثورة بلادي
اصرخي ياام الشهيد
واعلني ثورة من جديد
ثورة للفقر وللمرض
ثورة الكلمه المحبوسه
اكسرو كل القيود
قطعو سلاسل الحديد
احنا شعب حر لا قيود
لا هزيمه
لا استلام لمن اراد ان يبيد
حريتنا
ارضنا مصريه
ارضنا مصريه
اصرخوا اعلنو للعالم بالحق
ارضنا مصريه
لاء استسلام
ليست هناك تعليقات:
إرسال تعليق