على قد الشوق بقلم الشاعر محمد البريمى

( على قد الشوق )  بقلم الشاعر محمد البريمى


على قد الشوق .. م كان بيحن ليك ..

هجر الشوق  قلبى .. و إنت الحق   عليك ..

ياما كان بيخلينى .. أدوب ف هواك ..

و أستنى اللحظه اللى أعيشها .. ونا وياك ..

           على قد الشوق ..

على قد الشوق م كان بيدوب   ..  ف سهر الليالى ..

على قد م كان  .. بيصعب عليه حالى ..

على أى حال كان بينا حب .. جيت إنت و حطمت  الأمال ..

كان ذنبه إيه بس الشوق .. تحرمه م الوصال ..

           على قد الشوق ..

على قد م كنت بأتشوق  .. لنظره مناها العين ..

م بقاش ف نيه للإحساس .. أو أى حنين ..

منتا قتلت الشوق بايديك .. أجيب تانى منين حنيه ..

 قلبى شاف إيه منك .. إلا   الأسيه ..

            على قد الشوق ..

على قد   م كان بيوحشنى ..لما تغيب يوم  عن عينى ..

و أسمع صوته يندهلى  .. من بعيد ينادينى ..

دلوقتى إيه لزومه .. و إنت مش حاسس بهمومه ..

كل م يحاول يقرب  .. تبعد عنه و تلومه ..

          على قد الشوق ..