رخيصه الدنيا
بقلم عبدالمنعم عدلى..مصر
يادنيا
وكنت فاكرك
حاجه حلوه
وأغنيك غنوه
أتاريك ظلمتينى
بمعرفة ناس تانيه
صاحبتهم وصنت ليهم
ودهم وحبهم
وسر الحياة
بحت بيه لهم
خانونى وقهرونى
وبعدت عنهم
ورخصت نفسى أمام نفسى
وأنا اللى
إديتهم عمر
فوق عمرى
وكنت فاكرهم
هيشيلواعنى همى
أتارينى كنت
شايل همهم
وأنا مش دارى
أخذواكل حاجه
وأصبحت ولاحاجه
يخساره على
ربيع العمر
اللى ضاع فى حبهم
وفاضل ايه يادنيا
خريف قصير
وليله طويل
أعيش فيه وحيد
والقلب يتجرع صديد
ومخاض علقم
سقونى منه
مر السنين
صاحبتهم وكنت فاكر
عندما أموت
يمشوا ورايا
أتاريهم خانوا العهد
وخربوا ماورايا
وماعاد صاحب
ولاحتى جار
يامصاحب الناس
وناسى نفسك
إنسى الناس
وصاحب نفسك
دعيونهم جراحه
والنظرة منهم دباحة
خليك بعيد
وخلى سرك
من وراء ظهرك
وبين الضلوع
وحدث نفسك
ورخصت يادنيا
وناسك فيك فالحه
قطعوا حبل الوصال
وقطعوا الكلام
وقبورك يادنيا
أحن من قهر الناس
إبكى معايا
يانجوم السماء
على دنيا رخيصه
الرخيص فيها غالى
وساكن فى العالى
والغالى فيها
تحت التراب
ومهوش دارى
داسوا عليه
ومحسبهوش غالى
بقلمى عبدالمنعم عدلى
