الثلاثاء، 27 يونيو 2017


ارضنا مصريه الجزء التاني ...........2017/6/19
ثورة يا شعب 
ثورة ياشعب

البرلمان بيبيع
بعد الحكم ما صدر م القاضي
قالو القاضي
ملوش في البيع

بسرعة سريع
قالو المساله وفاق وتراضي
وشيء عادي 
الارض تضيع

ثورة ياشعب
ثورة يا شعب

ضد اعلام متخاذل
قابض تمن الكلمه بالملاين
واحنا الملاليم موش لاقين

ثورة ياشعب
ثورة ياشعب

ثورة مع كل مواطن بازل
جهده للحفاظ عالتراب والطين
وعشان وطنه بالالم حزين

ثورة ياشعب
ثورة ضد اي فساد
ضد كبت الحريات
احنا احرار
عمر في يوم ما كنا عبيد

ثورة ياشعب
ثورة ضد اي عناد
ضده لحد المامات
نعيش اطهار
يانحصل كل اللي فداء الوطن شهيد

ثورة ياشعب
احنا بن ادمين لوطن وعظيم 
عظيم يا وطنا
وموش هضيع

ثورة ياشعب
مع شعب عارف حقك فين
مهما تعلو السلطه
انت الاعلي وموش للبيع

ثورة ياشعب
وطني تعلي حتي علي اكتافي
مهما اضحي لك موش وافي
مهما اسقيك الدم
دمي فداك يا عزي واشرافي

ثورة يا شعب
ثورة لدم شهيد
لساه حي بينا وليد
لسه دمه مغرق ايد 
كل الحاضر م الثوار

ثوره ياشعب
كان فرحان بالشهاده سعيد
حرية وطنه عنده العيد
فكر انه بيتولد من جديد
اتاريه مات في ايد فجار

ثورة ياشعب
ثورة مع كلمة حق
نطقها لسان
موش خايف
ولا عاش يوم في حياته جبان

ثورة ياشعب
اصرخ قول لاء
انا انسان
حقي شايف
ولا يوم هفرط ولا يوم حقي هان

ثورة ياشعب
مع صحفي بينقل صورة بضمير 
والصورة واضحه موش محتاجه تفسير

ثوره يا شعب
مع كل من بيعسى لوطنه كبير
ويحارب اي نفس عليله واي حقير

ثورة يا شعب
ضد كل ضلال غرقنا
ضد كل حرامي سرقنا
ضد حتي اللي حكمنا
ومن فرط لحظه 
في شرفنا يغور

ثورة ياشعب
ضد كل من نهبنا
ضد من في الحوجه سبنا
ضد من م الحريه سلبنا
ويلقى حظه 
يوم الثوار ما تثور

ثورة يا شعب
ثورة مع جندي حماك 
ضحي بروح اهو وفداك
رافع الرايه فوق للنصر
رفرف بايده علم الحرية

ثورة ياشعب
خلي الخاين يوم يلقاك
شعب ثاير هنا وهناك
يوقف امامك عصر
ماانت شعب لام ابيه

وثورة ياشعب
تيران مصريه 
صنافير مصرية
ارضنا مصرية
مصريه يا شعب


مرسلة بواسطة في ليست هناك تعليقات:

#ابوبودي.........2017/6/20
انا قلبي الحزين خليته 
رافع رايه لمن حبيتها 
بيضه واستسلم للاحزان

حبيبة قلبي عمري ما نسيتها
نسياني رغم اني اترجيتها
نسياني وسلمت قلبي للهجران

يا حبي الكبير جوايا 
مات بالحى
من غيرها من غير هوايا
ليه الحياة

يا حلم كان 
ياحلم كان ورد وبساتين
نور وافراح

كبوس الان
كبوس الالم وانين
ضلمه وجراح

حبيتك 
احلف من قلبي اني الصادق
ولا قد حبي هتلاقي

واتمنيتك
حبيبة قد حبي الراقد
في بحر وفائي

كان نفسي اكون مسؤل عنك
اشيل عنك 
واشيلك في عيوني

الاقيني في يوم انا منك
انا ننك
الاقيكي كل حنيني

ليه الحلم يموت
وليه الوعد يفوت
ونتهم ليه القدر

ليه رضينا سكوت
واخرص فينا الصوت
واتكلنا عالبشر

فين الحرب لحبك
فين انا في قلبك
اصبحت انا المقتول

الخوف ليه لعبك
بعدتيني من جنبك
حذرتك انا بالقول

قولت لك كوني في صفي
كوني حبي قوي لاتخافي
لقيتك انتي و انا
وشيء بيتحدي حبنا
ولقيتك انتي معاه
شيء موش معقول

اتشل فيه اطرافي
وانتي بتقولي اسمع اعترافي
وقصاد بحر دمعنا
ما يوم رحمتينا
كنتي قويه عليه
وانا خلاص مليش دور

دوري النهاردة بالرايه
ارفعها وانا المكسور
ولا عاد يفيد الحكايه
اتجنن انا او اثور

خلاص الرايه بيضه
خلاص مستني الدور
ولا عاد ليه عوده
غير لزحمه القبور

يارب قبر وموش معلوم
علشان لا توصليلي يوم 
وتبكي عنيك عليه

خلاص قلبك موش ملزوم
بقلب ملاه هموم
ولا عاوزك تكوني زي ضحيه

عيشي حبيبتي وافرحي
انسيني علشان ترتاحي
وواعي الرايه ترفعي
اوعي تذوقي احزاني

مني ارجوكي لا تستحي
لا تزعلي من بوحي
عن كل كلامي اترفعي
هوني عليكي هواني

احرقي اي ذكرى
اي فكره بيه اكسريها
عيشي احلي بكرة
وافراحك بايدك دوريها
افراحك بايدك دواريها


مرسلة بواسطة في ليست هناك تعليقات:

ترضي مين ....................2017/6/21
ترضي مين 
لما بنتك تتفزع
تتهان من خوف وطن
لما الصابرة دي تركع 
للاحزان وجمالها يندفن
ليه الياس مد في قلوبنا
وليه احنا موش بن ادمين
لية تحس انها فقدت الامان
وليه الذل تدوقه تحت رايتك
خلاص الياس سيطر عالبيبان
حمله ذاد عالاكتاف
والشمس شارقه مضلمه
والسنين بدات وانتهت عجاف
ارحم ضعفها وضعفنا
قدر اننا بشر لينا طاقه احتمال
والحريه والعداله ميزانها معاك مال 
خلاص الميزان منك مال
ولا تاني راح ينعدل
خدت فرصتك 
لكن احنا مخدناش غير الهوان
ويرضي مين 
كفايه مهمتك انتهت الان 
ولا صوت تاني تنتظر
ولا حتي صبر 
ولا احتمال
الفقر زايد وبتشحت مننا
عومت الجنيه ضيعتنا
ويرضي مين
تعالي قول لينا
القناه قبل التفريعه ايرداها كام
وايه ذاد علينا من من مليارات دفنتها من غير اوان
تعالي اعتذر قول اسف الحمل موش قدة
ولا تعاند ولا تكابر دا وطنا ليه نهده
ليه نهده 
بعد ثورة ضاع فداها الشباب
بعد ريس كان خلف القضبان 
وريس تاني لظلمه ناب
ايه خدناه وايه نبنا غير معاك الهوان
رفعو علينا السدود
ضيعت معالم الحدود
بعتم في الضلمه حلمنا


مرسلة بواسطة في ليست هناك تعليقات:

♡♡♡هدية حبيبتي للعيد ♡♡♡
اغنية 
[[ لن اتركها ]]................2017/6/22

قالو اتركها بحالها
كيف اترك روحي
واعيش جسد بدون روح

فيه في الدنيا بحالها
غيرها يطفي جروحي
اتركها لا موش مسموح

هي عبير الورد 
والشجن والروح

هي نسمه بجد
باحلي العطور بتفوح

هي النور في الضلمه
قمر مصباح

هي الروح السالمه
ما معها جراح

قالو اتركها بحالها
اترك من يا الناس
اترك اعز الناس

هي غنوة بالحانها
تطرب كل الحواس
فيها وقعت الراس

انا متبت فيها
لا اتركها ولا اخليها
غير بالموت وشهيد

دا النظرة بعنيها
تسوى الدنيا ما بيها
من فرحه ومن عيد

الروح لي فداها
بسعادة ما احلاها
لو علصدرها التنهيد

العمر استناها
للانتظار ما املها
وكونو عليه شهود

ولا تطلبو مني تاني
اني اترك روحي و عيني
واعيش بالعماء وحيد

ومهما هي تركتني
حعيش انا واحلامي
واكون بيها السعيد


مرسلة بواسطة في ليست هناك تعليقات:

حوار بين الاب والابن والبنت بعد عاركه بين الواد واخته باداي الضعيف ((لست مطرب))
بابا العزيز...................2017/6/23
البنت لاخيها :: 
بس هوس بابا

الاب::
لا تترك ما بيدك 
لا تخف لاترعب
وانتي كمان ابنيتي
لا دمعه علي خدك
ولاالم يقرب

كن واثق ابني
من خطواتك ابني
لا تتبع الهذل
خلي ضميرك فيصل

كوني رشيقه بالخطوه
وللايجابيه سابقه
امورة تلبي الكلمه
لاتنصاغ للهو بفتوي

الولد والبنت::
انا ابنك يا بابا
انا بنتك يابابا
علمنا يابابا
وين الغلط وين الصح
قدوتنا يابابا
ولازم بينا اكيد تفرح

الاب::
الغلط معروف 
دايما يخلف الخوف
ومصائب وكوارث

والصح مكشوف
وكلنا بنشوف
مين يستاهل فارس

الغلط في صاحب غلط
في سلوك في معامله
في فكرة واحد بلط
موش عاجبه الدنيا الكامله

والصح في صاحب صح
تلاقيه عدل منضبط
ولا مال بطريقه راح
ولا علي غير حقه هبط

الولد والبنت::
وايه تاني يا بابا
وايه تاتي يابابا

الاب::
الصح تصاحب اختك
وانتي تصحبي اخوكي
تترك انانية لعبك
يزعل منك يرضيكي

تكونو اخوات بمحبه
تنتبهو لدروس علومكم
طمحكم علماء واطبه
تنصاغو تمام لمعلمكم

الولد والبنت::
وايه تاني يا بابا
وايه تاني يا بابا

الاب::
تقوي ايمانك بالرب
وكل فروضه تأدي
تبعدي عن معنى العيب
وكل الاهل تودي

تعيش خفيف محبوب
تلاقي الدنيا ورد
للصحبه الحلوة مطلوبه
وكل اصحابك ود

الولد والبنت::
وايه تاني يا بابا
وايه تاني يا بابا

الاب::
هنا الوطن والارض
هنا اصل الجدود
حافظ علي كل شبر
حارب علي الحدود

ارسمي صورة الوطن 
للامام رافعه العلم
لا تكسرك يوم المحن
ولا ترمي غير السلام

كدا اظن فهمتم
كدا اتعلمتم
اشوف ياللا ابتسامتكم
ياللا نصلح الغلط
ونبتدي بالصح

الولد والبنت::
فهمنا يابابا الصح
والصدر كمان انشرح
وادي الابتسامه عريضيه في الوش
بكلامك الكل فرح

بابنا العزيز
بابا العزيز



-4:39
مرسلة بواسطة في ليست هناك تعليقات:
كل عام وانتم بخير جميعا 
عيد فطر مبارك 
عليكم وعلي الامه الاسلاميه والعربيه بخير ان شاء الله ويارب العيد القادم نكون بخير وباحسن حال كل العرب والمسلمين 
اليوم اكتب امنيتي وامنية كل عرب حر شريف 
في يوم عيد الفطر المبارك الموافق 2017/6/25

[[☆☆حقق الله الاماني☆☆]]
حقق الله الاماني
نولنا الرب المراد
يرجع الوطن ثاني
والسلام عليه ينعاد

تنتهي حرب الابادة
ينتهي كل الفساد
تسمو الامه للريادة
تكون عروبه العماد

اشوف سوريا يد واحدة
ينقتل الانشقاق
والطفل بيلعب ويه صحبه
الظلم صعب لا يطاق

كفايه الدم ملي الشوارع
والجثث يوما تراق
يا شعب لا تنصاغ لمخادع
صهيوني بالطبع واط

حقق الله الاماني
نولنا يارب المراد
تسمو الامه للريادة
تكون عروبه العماد

اشوف عراق بدون دواعش
بدون حزام ومفرقعات
يترك الواطن كل خاين
سحقا روحه للممات

يدك شعب لا تراعش
عالحق انت كون ثبات
الحق واضح ظاهر وباين
ينكتب التاريخ للاولاد

حقق الله الاماني
نولنا يارب المراد
تسمو الامه للريادة
تكون عروبه العماد

اشوف ليبيا بدون فصايل
حكم القبايل لا استناد
عالحق باطل من تحايل
من زرع شجر العناد

اشوف السلاح في وش عدو
لا في وجه اخيك تقاد
صونو الوطن لا تبيدو
النار تلتهم كل ذاد

حقق الله الاماني
نولنا يارب المراد
تسمو الامه للريادة 
تكون عروبه العماد

اشوف القدس مصلي لينا
حرة مع باقي البلاد
اشوف غزة اجمل مدينه
ترجع فلسطين للانسعاد

يرحل العدو عنها
تتحرر من كل قيد
يلاقي الابن احضانها
دافيه يكون بيها السعيد

حقق الله الاماني
نولنا يارب المراد
تسمو الامه للريادة
تكون عروبه العماد

اشوف السودان يد واحدة
ولا لا للانقسام
اصل العروبه شريان محبه
يروي الكل بالتمام

اشوف الجزاير بلد الحراير
وذكري الواحد ونص مليون شهيد
ضحي بدمه كل غاير
لاجل الوطن يعيش حر مجيد

اشوف لبنان بلد العرايس
طله الشمس بنور وليد

اشوف المغرب ويه تونس
ومورتانيا بشكل جديد

اشوف السلام بيه اتونس
كل عربي بالخليج

اشوف الاردن زرع المحبة
في الحر وجد الجليد

اشوف مصر ام الدنيا
لا لا للرقيد

الوطن يسع الاحبه
ومن قلبي ابعت بريد
لكل وطني م الاشقه
لازم تكون زيي تريد

وطن حر مليه سلام 
وحدة بيها للامام
حقق الله الاماني 
نولنا الرب المراد


مرسلة بواسطة في ليست هناك تعليقات:

مات العريس...........................2017/6/26
كان لي قلب وقلبي مات
شرب عذابه مات فطيس
مات العريس
الم الصراخ غصب السكات
كان حلمه ليكي يبقي عريس
مات العريس

الضرب كان في الحواس
والشرايين تنزف مشاعر
قطعتي جذور الاخلاص
وبكل الالم كنت شاعر

وقعت الحروف م القصيدة
لغيتي لقب اني شاعر
والصفحات المتلونه بقت بيضه
خاليه م اي همس فاعل

قلبي مات رغم إنه كبير
كان فاكر سكن الجنان
لقيتني شيء تافه حقير
مقتول في دنيا الامان
واصبح بايدك لي المصير
خطوط سوده بدون ضمان
كنت فاكرك انت الضمير
الضمير علشاني خان
ضحيتي بنفسك مستحيل
شايفك غرقانه في الاحضان
حضنه افضل من عليل
لعب كان تمثيل حنان
حضنتي الحب حضني الويل
يا بخته اتفضل عني الان

مات العريس ليله زفافه
والرصاصه كانت م الخلف
كل العشاق زيه خافوا
الحب الصحيح ضاع وانحزف
والقاتل أصدر قرار اعترافه
وبقى هو صاحب الشرف
والعريس مات غصب كيفه
مقتول واصبح منحرف

مات العريس 
والعروسه في حضن غيره
اصبح تعيس
وصوابع اللوم تطوله
والحب النفيس
طلع فالصو تقليد وعيره
حاجه تغيظ
ان تكلم تقوله ما تجبش سيرة

مات العريس
مات العريس
بامسه قبل بكرة
اصبح رخيص
غلوته كانت لفترة
قتله لذيذ
وكانت بجد شاطرة
مفيش تدليس
خليتيه قدوة وعبرة

مات العريس 
وانت البراءة
العجين للخبيز
بكل جراءة
افراح تهيص
ياللا بقى

مات العريس
والعروسه لغيرة منورة الكوشه
احلي تطريز
لفستان الزفه والحنه منقوشه

مات العريس
مات العريس

مرسلة بواسطة في ليست هناك تعليقات:
الاشتراك في: الرسائل (Atom)